Kris Aquino happy with Showbiz News Ngayon’s pilot episode

Masayang-masaya si Kris Aquino sa kinalabasan ng pilot telecast ng bagong showbiz-oriented program nila ni Boy Abunda na Showbiz News Ngayon (SNN) sa Primetime Bida ng ABS-CBN kagabi. At ang big story nila para sa premiere telecast ng SNN na aabangan din for whole week ay ang pagpapakita ng yate ni Willie Revillame worth P70 million. “I asked him talaga. Ako ‘yung humingi. Kasi ‘yung Yes (magazine), ‘yun lang ang ang hindi ipinakita, eh. So, sabi ko ‘yun ang aabangan ng tao. Kasi that’s the only one they haven’t seen ‘di ba? So, ‘yun,” bungad ni Kris pagkatapos ng initial telecast ng SNN. Nilapitan ba niya si Willie para pumayag na ipakit ang yate niya on TV for the first time sa SNN? “Ah, he asked me to host. ‘Di ba nu’ng birthday niya. Tapos sabi niya, ‘Ano ang ibibigay ko sa ‘yo?’ Sabi ko, ‘Wala. I-tour mo ako sa yate mo for my pilot (episode). Alam mo mapagbigay naman siya, e. Supportive siya talaga.”

Ano ang pagkakaiba ng SNN sa Sunday showbiz-oriented talk show nila ni Boy na “The Buzz?”

“Don’t you feel it already? Na ‘di ba you’re not gonna tour people around their home? Parang ako ang feeling ko remember ‘yung parang it’s Starstudio, Yes, US Weekly, Entertainment Weekly People and Life and Style magazine come to life. Kasi ‘di ba ang ‘Buzz ‘ is strictly interview and intriga-based. Eto may lifestyle, may intriga, kumpletong-kumpleto. And thank you very much sa News and Current Affairs kasi sinuportahan nila ‘di ba? All-out ‘yung support so they also file stories with us. It’s very current. Kaya lang ano kasi Buzz is once a week ‘di ba? Eto gabi-gabi talaga. Like kanina I think ‘yung kay Anne (Curtis) na interview lunch time. ‘Yun ang maganda talaga and it’s nice.”

Komportable din si Kris sa bago niyang schedule na night shift. “Wala kaming pini-pick na story except for one major story. So, it gives me more time talaga. I was able to have breakfast with James. Kanina nag-yoga ako. Hinatid ako, kasi walang school si Joshua kanina, hinatid ako ni Joshua at ni Baby James. Nakapag-meryenda pa kami together. I should have dinner with them kaya lang mas gusto ko’ng magsimba so I left them at 5:30 pm para mag-masss. Pero it gives me the opportunity na Monday, Thursday and Friday, I can have breakfast with my family. I can have dinner with my family and it gives me a chance to have yoga everyday. Except kapag may isang major story na I have to do and Boy have to do. ‘Di ba ‘yung kay Willie ako ‘yun. So, du’n. But it’s generally, ang saya. You’re done! Yahoo,” masayang sabi ni Kris. After seeing Willie’s yacht, may balak na rin ba si Kris na bumili ng kanya? “I don’t know how to swim. Hindi ako natuto. Baka itulak nila ako (laughs).” Baka raw matulad si Kris sa foreign celebrity na si Natalie Wood na namatay dahil sa pagkalunod. “Korek! ‘Yun ang iniisip ko talaga. Diyos ko! Made-dead ako. I don’t know talaga. Hindi ako talaga natuto.”

Kasabay na nag-pilot din kahapon ang bagong morning show na pumalit sa Boy & Kris, ang Ruffa and Ai. Napanood ba niya ang first episode nito? “Yes, it’s super cute. Kasi it really feels like they were super enjoying themselves. Uh, in any pilot hahanapin mo ‘yung enthusiasm. I was especially impressed the way si Ai (Ai delas Alas) could connect with the audience. Ang galing! It was so natural and so fresh,” tapos ni Kris.